Түлшний шүүр

Хэрэглээний явцад бензиний банк дотор тодорхой хэмжээгээр хог, шороо ордог. Үүнийг шүүж хөдөлгүүрийн жигд ажиллагааг хангахын тулд шүүр тавьсан байдаг.

• Бензин доторх том хогийг шүүх зориулалттай шүүрийг бүдүүн шүүр гэдэг. Хийцийн хувьд торон бөгөөд байрлалын хувьд бензин насосын доор байрладаг. Үүнийг бензин насос солих бүртээ давхар солих хэрэгтэй.
• Харин илүү нарийн хогийг шүүх зориулалттай шүүрийг нарийн шүүр буюу манайхан тунгаагуур гэж нэрлэдэг. Тунгаагуур ихэвчлэн төмөр эсвэл хуванцар хийцтэй байх бөгөөд тогтмол хугацаанд сольж байх хэрэгтэй. Монголын нөхцөлд 50-60.000 км тутамд тунгаагуурыг солих хэрэгтэй.

Орчин үеийн машинуудад дээрх 2 шүүр бензин банк дотроо хамтдаа байрласан байх нь элбэг.

Элэгдэл гэмтэл:

• Хөдөлгүүрт чичиргээ үүснэ
• Хөдөлгүүрийн асалт удааширч, догол үүснэ
• Хөдөлгүүр гэнэт унтарна
• Хөдөлгүүрийн ажиллагаа тогтворгүй болно
• Хөдөлгүүрийн дуу чимээ ихсэж, чадал буурна
• Цилиндр болон поршений кольц элэгдэнэ