Хамгийн сүүлийн үеийн Apple Watch болон iPhone нь ямар ч машины ослоос хүний ​​амийг аварч чадна.

Автомашины ослыг илрүүлж, яаралтай тусламжийн үйлчилгээ үзүүлдэг системүүд бий болоод удаагүй байна. Гэсэн хэдий ч Apple энэ функцийг шинэ Apple Watch болон шинэ iPhone-той суулган гаргасан байна. Өчигдөр нээлтээ хийсэн шинэхэн Apple Watch Series 8 болон iPhone 14 машины ослыг илрүүлж, ослын нарийвчилсан мэдээллийг өгч эмнэлгийн яаралтай тусламжийг дуудах чадвартай гэнэ.

Хамгийн сайн тал нь Apple-ийн технологи нь таны унаж буй машинаас үл хамааран ажиллах болно

"АНУ-ын Тээврийн яамны мэдээлснээр, хамгийн ноцтой ослын бараг тал хувь нь хөдөө орон нутагт тохиолддог. Тиймээс бид ийм нөхцөл байдалд туслах шинэлэг шинэ функцийг бүтээсэн. Apple Watch Series 8 нь осол илрүүлэгчийг нэвтрүүлснээр таныг ноцтой автомашины осолд орсон эсэхийг илрүүлэх боломжтой. Осол илэрсэн үед энэ нь таныг яаралтай тусламжийн үйлчилгээтэй автоматаар холбохоос гадна байршлаа зааж, яаралтай холбоо барих дотны хүмүүст мэдэгдэх болно" гэж Apple Watch бүтээгдэхүүний маркетингийн захирал Дейдре Колдбек хэлэв. 

Энэхүү технологи нь Apple Watch болон iPhone-д байсан боловч 3 тэнхлэгийн гироскоп болон хурдатгал хэмжигчийг илүү сайжруулан шинэчилсэн. Түүврийн хурд өмнөхөөсөө дөрөв дахин хурдан, секундэд 3000 удаа мэдээлэл унших чадамжтай. Энэ нь Apple-ийн төхөөрөмж ямар чиглэл, байршил, тэр байтугай ямар төрлийн осолд өртөж байгааг илрүүлэх боломжтой гэсэн үг юм.
Мэдрэх ба холболт хариуцсан дэд захирал Рон Хуан хэлэхдээ "Бид ослын мэдээллийг үнэн зөв илрүүлэхийн тулд мэдрэгчийг нэгтгэх дэвшилтэт алгоритмыг бүтээсэн." "Бид хамгийн сүүлийн үеийн ослын туршилтын лабораторид тээврийн хэрэгслийн нөлөөллийг судлахад олон жил зарцуулсан. Бид ослын туршилт бүрт ноцтой осол, урд талын цохилт, хажуугийн цохилт, араас мөргөлдөх, өнхрөх гэсэн дөрвөн үндсэн төрөл дээр туршилт хийсэн бөгөөд барометр, микрофон, GPS зэрэг 8-р цувралын шинэ гироскоп, хурдатгал хэмжигч болон бусад мэдрэгчээс мэдээлэл авах боломжтой болгосон юм." гэжээ