Бидний хамт олон энэ удаагийн сайн үйлсийн аянаараа, хойч үе маань болсон бяцхан үрсийн ирээдүйд гэрэл тусгахаар шамдан ажилладаг Ид шидийн орны хүчирхэг хамт олонтой нэгдэж байна. Энэхүү аяны хүрээнд ид шидтэй олон ах эгч та бүхнийг эгнээндээ элсүүлэн улмаар сурч хөгжих ирмүүн хүсэлтэй боловч боломж нөхцөлийн хувьд хязгаарлагдмал байгаа бяцхан үрсэд шаардлагатай боломжийг нь бүрдүүлэн өгч ид шидийг бэлэглэх зорилтыг тавьсан юм.
Ид шидийн орон төв нь 2017 оноос 2020 онуудад "Ид шидийн орон-1" болон "Ид шидийн орон-2" Хүүхэд хамгаалал, хөгжлийн төвүүдийг Улаанбаатар хотын хамгийн их хүн амтай, гэмт хэргийн гаралт өндөртэй Сонгинохайрхан болон Баянзүрх дүүргийн алслагдсан гэр хорооллын бүсэд 100 хувь олон нийтийн хандив, дэмжлэгээр бүтээн байгуулсан билээ.
Ид шидийн орон төв нь 2017 оноос 2020 онуудад "Ид шидийн орон-1" болон "Ид шидийн орон-2" Хүүхэд хамгаалал, хөгжлийн төвүүдийг Улаанбаатар хотын хамгийн их хүн амтай, гэмт хэргийн гаралт өндөртэй Сонгинохайрхан болон Баянзүрх дүүргийн алслагдсан гэр хорооллын бүсэд 100 хувь олон нийтийн хандив, дэмжлэгээр бүтээн байгуулсан билээ.
Энэхүү төвүүд маань хохирогч хүүхдэд "хүүхэд хамгааллын цогц үйлчилгээ" үзүүлэх төдийгүй гэр хорооллын алслагдсан хэсэгт амьдарч буй хүүхдүүдэд тэгш боломж олгох үүднээс сургуулийн өмнөх боловсрол олгох, түүнчлэн номын сан, тоглоомын талбай, ногоон байгууламж, нийт 25 төрлийн сургалтыг үнэ төлбөргүй явуулдаг онцлогтой.
